ནགས་ལྷ་རྩོམ་སྒྲིག་ཁང་།

རྣམ་དཔྱོད་ཀྱི་འཇུག་པ་མཆོག་ཏུ་ཡངས་ཤིང་ལྷག་བསམ་གྱི་བ་གམ་མངོན་པར་མཐོ་བའི་རང་རིགས་རྩོམ་པ་པོ་རྣམས་ཀྱི་སྙན་ལམ་དུ་ཆེད་ཞུ།

དེ་སྔོན་གསལ་བསྒྲགས་སྔོན་སོང་བཞིན་ང་ཚོའི་རྩོམ་ཡིག་འགྲན་བསྡུར་གྱི་ལས་རིམ་གཏན་འཁེལ་བ་རེད། ད་ཆ་དངོས་གཞིའི་ལས་རིམ་ཐད་རྣམ་པ་ཚོ་ལ་གསལ་བཤད་ཞུ་དགོས་པ་ཞིག་ནི་འདིར་ཐོ་འགོད་ཟིན་པ་རྣམས་སྨོས་མེད་ཁར་དེ་མིན་གྱི་རང་རིགས་གང་མང་ལས་རིམ་འདི་ལ་མཉམ་ཞུགས་ཐུབ་པའི་རེ་བ་ཡོད། རྩོམ་ཡིག་བསྡུ་ཕྱོགས་སྐོར། འདི་ནས་ང་ཚོས་གནས་འགོད་ཀྱི་རེའུ་མིག་ཅིག་གསལ་བསྒྲགས་དང་མཉམ་དུ་འབུལ་བ་ལགས་ན་རྣམ་པ་ཚོས་རྩོམ་ཡིག་དང་མཉམ་དུ་གནས་འགོད་རེའུ་མིག་ནང་དགོད་དགོས་རྣམས་བཀོད་ནས་གཤམ་འཁོད་ཁ་བྱང་ཐོག་ཕྱི་༨ ཚེས་༡༥ ནད་ཚུད་བསྐུར་གནང་ཡོད་པ་ཞུ། རྩོམ་ཡིག་རྣམས་དང་པོ་རྩོམ་སྒྲིག་པ་ནགས་ཤོད་སྐལ་རྒྱན་དང་།

ནགས་སྐལ་བཟང་རྒྱ་མཚོ་གཉིས་ཀྱི་ཕྱག་ཏུ་བསླེབས་ནས་རྩོམ་ཡིག་རྣམས་པར་བཤུས་བྱས་ཏེ་མ་དཔེ་དང་གསང་བའི་ཨང་གྲངས་བསྒྲིགས་ནས་མ་དཔེའི་རྩོམ་ཡིག་དང་རྣམ་པ་ཚོས་བཀང་བའི་རེའུ་མིག་དང་བཅས་པ་ཁོངས་རྣམ་པ་གཉིས་ཀྱི་ཕྱག་ཏུ་ཉར། པར་བཤུས་བྱས་པ་གསང་བའི་ཨང་གྲངས་མ་གཏོགས་མིང་དང་ཁ་བྱང་གང་ཡང་མ་འཁོད་པའི་རྩོམ་ཡིག་རྣམས་རྩོམ་སྒྲིག་འགན་འཛིན་འབྲི་སྐལ་བཟང་ལ་བཏང་། དེ་ནས་བརྒྱ་ཆ་སྤྲོད་མཁན་གྱི་བོད་རིག་པའི་མཁས་དབང་རྣམ་པ་ལ་སྤྱན་འབུལ་ཞུ་རྒྱུ་ཡིན། ཁོངས་རྣམ་པས་གསང་བའི་ཨང་གྲངས་ཐོག་རྩོམ་ཡིག་སོ་སོར་བརྒྱ་ཆ་ཇི་སྤྲད་རྣམས་རྩོམ་སྒྲིག་པ་བཞི་ཀ་མཉམ་རུབ་ཀྱི་སྒོ་ནས་གསང་བའི་ཨང་གྲངས་སོ་སོར་གཏན་འབེབ་བྱེད། དེ་ལྟར་གཏན་འབེབ་བྱས་པའི་རེའུ་མིག་ཀྱི་འདྲ་བཤུས་གཅིག་རྩོམ་སྒྲིག་འགན་འཛིན་དང་། གཅིག་ཨ་རིར་གནས་བཞུགས་ལྷུན་གྲུབ་ཀྱིས་ཉར། འདྲ་བཤུས་གཅིག་ནགས་ཤོད་སྐལ་རྒྱན་དང་། ནགས་སྐལ་བཟང་རྒྱ་མཚོ་རྣམ་གཉིས་ཀྱིས་རྩོམ་ཡིག་ཨ་མ་དང་མཉམ་དུ་བསྒྲིགས་ནས་རྩོམ་ཡིག་སོ་སོར་བརྒྱ་ཆ་ཇི་ཐོབ་གཏན་འབེབས་བྱ་རྒྱུ་ཡིན། རྩོམ་ཡིག་འགྲན་བསྡུར་གྱི་བྱ་དགའ་དང་ལག་ཁྱེར་བཟོ་ཕྱོགས་བཅས་ནི་རྩོམ་ཡིག་རྣམས་བརྒྱ་ཆ་སྤྲོད་མཁན་རྣམ་པའི་ཕྱག་ཏུ་མ་ཕུལ་བའི་སྔོན་དུ་ཐག་གཅོད་བྱ་རྒྱུ་ཡིན།།
སླར་ཡང་ཞུ་ཡག་ཅིག་ལ་རྣམ་པ་ཚོས་རྩོམ་ཡིག་གཏོང་བའི་སྐབས་ཁ་པར་དང་འཕྲིན་ཕྲན་གང་རུང་བརྒྱུད་འབྲེལ་བ་གནང་རོགས་ཞུ།
ནགས་ལྷ་རྩོམ་སྒྲིག་ཁང་ནས་ ༢༠༡༣ ཟླ་བ་ ༦ ཚེས་༢༨ཕུལ།།

རྩོམ་ཡིག་སྐུར་ཡུལ། ནགས་སྐལ་བཟང་རྒྱ་མཚོ། This email address is being protected from spambots. You need JavaScript enabled to view it. 

ཁ་པར་ཨང་གྲངས། ༩༩༤༥༢༦༠༦༧༦

འཕྲིན་ཕྲན་༨༦༠༩༧༨༤༡༥

ནགས་ཤོད་སྐལ་རྒྱན། This email address is being protected from spambots. You need JavaScript enabled to view it. 

ཁ་པར་ཨང་གྲངས། ༩༨༨༠༡༣༩༢༣༧

འཕྲིན་ཕྲན། ༩༨༨༠༡༣༩༢༣༧

རྩོམ་ཡིག་འདི་ཐེངས་ 836 བཀླགས་འདུག